YEH KADAMB KA PED AGAR MAA by Subhadra Kumari Chauhan

YEH KADAMB KA PED AGAR MAA  by Subhadra Kumari Chauhan

YEH KADAMB KA PED AGAR MAA, HOTA YAMUNA TEERE,
MAIN BHI US PAR BAITH KANHIYA,BANTA DHEERE,DHEERE...

LE DETI YADI BANSURI ,TUM DO PAISE WALI,
KISI TARAH NEECHE HO JATI YE KADAMB KI DALI,

TUMHEIN NAHI KUCH KEHTA,PAR MAIN,CHUPKE CHUPKE AATA,
US NEECHI DALI SE AMMA, UNCHE PE CHAD JATA....

WAHIN BAITH PHIR ,BADE MAJE SE,MAIN BANSURI BAJATA,
AMMA AMMA KEH TUMHEIN BANSI KE,SWAR MEIN BULATA....


SUN MERI BANSI KO MAA TUM ITNI,KHUSH HO JATI,
MUJHE DEKHNE KAAM CHOR KAR,TUM BAHAR TAK AATI....

TUMKO AATA DEKH BANSURI RAKH,MAIN CHUP HO JATA,
PATTON MEIN CHIPKAR DHEERE SE,PHIR BANSURI BAJATA...

GUSSE HOKAR MUJHE DANTI KEHTI,"NEECHE AAJA",
PAR JAB MAIN NA UTARTA,HANS KAR KEHTI,"MUNNA RAJA"....

NEECHE UTRO MERE BETA ,TUMHEIN MITHAI DUNGI,
NAYE KHILONE,MAKHAN,MISRI,DHOODH MALAI DUNGI...

MAIN HANS KAR SABSE UPAAR KI TEHNI ,PAR CHAD JATA,
EK BAAR "MAA" KEH PATTON MEIN WAHIN,KAHIN CHIP JATA...

BAHUT BULANE PAR BHI "MAA", JAB MAIN NA UTAR KAR AATA,
TAB "MAA" TUMHARA HARIDAY,BAHUT VIKAL HO JATA...

TUM AANCHAL PASAR KAR MAA WAHIN PED KE NEECHE,
EESHWAR SE KUCH VINTI KARTI,BAITHI AANKHEIN MEECHEY.....

TUMHEIN DHYAN MEIN LAGI DEKH,MAIN DHEERE DHEERE AATA,
AUR TUMHARE FAILE AANCHAL MEIN,AAKAR CHIP JATA...

TUM GHABRA KAR AANKH KHOLTI,PHIR BHI KHUSH HO JATI,
JAB APNE "MUNNE RAJA" KO,APNI GODI MEIN HI PATI....

ISI TARAH KUCH KHELA KARTE,HUM TUM DHEERE DHEERE,
"MAA" KADAMB KA PED AGAR,YE HOTA YAMUNA TEERE.......